Një ngjarje e rëndë ka ndodhur brenda ambienteve të Poliklinikës në Patos, ku dy të rinj kanë mbetur të vrarë pas një sherri me armë zjarri.
Mësohet se autori i ngjarjes pasi ka debatuar me dy personat, identiteti i të cilëve nuk dihet ende, ka hapur zjarr ndaj tyre. Për pasojë një prej të rinjve ka humbur jetën në vend, ndërsa tjetri pak minuta më vonë në spital dhe një tjetër është plagosur. Pak pas krimit ai është arrestuar nga policia.
Kjo e fundit ka rregulluar zonën, ndërsa ka nisur hetimet për zbardhjen e ngjarjes në fjalë.
