Një person ka mbetur i plagosur me thikë në Paskuqan, teksa policia ka arrestuar pas ngjarjes autorin e dyshuar. Plagosja ka ndodhur pas një sherri mes dy personave.
Sipas burimeve zyrtare është vënë në pranga personi i identifikuar me iniciale R. K., 65 vjeç, banues në Paskuqan, për veprat penale “Kanosja”, “Plagosja e lehtë me dashje”, “Shkatërrimi i pronës” dhe “Prodhimi, mbajtja, blerja apo shitja pa leje e armëve të ftohta”.
Shtetasi R. K., për motive të dobëta, është konfliktuar me personin e identifikuar me iniciale M. M. Gjatë konfliktit 65-vjeçari e ka goditur M. M me mjet prerës, dhe i ka dëmtuar mjetin, me sende të forta.
