Tre pacientë janë shëruar në Korçë pasi ishin prekur nga koronavirusi. Bëhet fjalë për 3 pacientët e parë që u regjistruan në juglindje, një menaxher lokali dhe një çift të moshuarisht.
Drejtori i spitalit të Korçës, Litian Broka bën me dije lajmin dhe tashmë 3 rastet e para në Korçë janë rikuperuar.
STATUSI I LITIAN BROKËS
Lajmi i dytë i mirë për qytetarët e Korçës, edhe çifti i pensionistëve Yzedini 79 vjet dhe Sanija 78 vjet, lënë sot Spitalin Infektiv të shëruar plotësisht nga Covid-19.
Shqetësimi për Yzedinin ishte i madh pasi vuante nga sëmundje respiratore por ja doli falë trajtimit me kujdes në Spitalin Rajonal të Korçës dhe inpenjimit të mjekëve të Spitalit Infektiv
Edhe një herë faleminderit gjithë stafit mjeksor ?
Flmeminderit Dr. Pëllumb Pipero për telefonatat pozitive në këto dy ditë dhe punën e pa lodhur në front kundër Corona Virusit ?
Do të them diçka në zhargonin korçar “të lutem këtë dorë mbaj”.
