Heqja “Shqiponjës” nga sheshi me të njëjtin emër është një veprim i paligjshëm pasi simboli është vendosur me vendim të Këshillit Bashkiak dhe për ta hequr do duhej një vendim tjetër nga ky institucion,
Kreu i Marrëdhënieve me Jashtë në PD, Kreshnik Çollaku u shpreh në “Fax News” se ekspertët dhe juristët e PD po përgatitin një padi për këtë akt të paligjshëm.
Nga ana tjetër ai ishte i ashpër në lidhje me deklaratat e Ramës në lidhje me “Shqiponjën”.
“Absolutisht një akt vandalësh apatridësh, një rugaçëri zyrtare, më falni që po e përdor këtë shprehje, pra të konsiderosh simbolin kombëtar si një ngritje në piedestal të vulgaritetit, i njëjti njeri që hyrjen e krueministrisë e ka veshur me ngjyra ngjashëm me bordellot e Europës, është një akt i shpifur, i shëmtuar. Dhe është dhe një vepër penale se është edhe cënim i simboleve kombëtare që mbrohen me kushtetutë, përdhosja e tyre përbën vepër penale.
Nga pikëpamja ligjore ai shesh dhe ai në momnument, cdo shesh dhe çdo monument bëhet me vendim të Këshillit Bashkiak të Tiranës, Këshilli Basjhkiak i Tiranës nuk ka asnjë vendim që një akt i tillë po kryhet, pra shembja e shqiponjës është pastërtisht i paligjshëm. Jemi në raste flagrante abuziviteti.
Patjetër po përgatisim një denoncim në prokurori për këtë akt, ekspertët, juristët po e vlerësojnë apo po e rifomulojnë, është shkelje flagrante e ligjit e kësaj qeverie”, u shpreh Çollaku.
