Kryeministri Edi Rama ka reguar lidhur me rrugën e shembur në Borsh, për shkak të përmbytjeve.
Rama tha se është e patolerueshme që të sulmohen kompani që punësojnë mijëra njerëz, ndërsa shtoi që fillimisht duhen pritur hetimet për të arritur në qëndrime përfundimtare në lidhje me situatën.
Kujtojmë se Kontrolli i Lartë i Shtetit ka parë të gjithë proçedurën që prej anës dokumentare për mirëmbajtjen e rrugës, që e ka në ngarkim “Salillari” sh.p.k.
“Është e papërshtatshme të sulmohen kompanitë në mungesë të analizës. Kjo kërkon analizë, të çosh kameran në një rrugë të çarë dhe t’ja kërcasësh kompanisë me shkop kokës mban me shumë era gjobë. E them modestish mos bëni gjueti shtrigash me kompanitë, me njerëzit që punësojnë mijëra njerëz, askush nuk është engjëll dhe askush nuk është i përjashtuar nga e drejta për tu vlerësuar me analizë kur ka një problem. Por këtu suksesi kthehet një mallkim dhe nuk e kam parë në vende të tjera, kam parë që goditen nga mëngjesi në darkë. Rasti konkret mund të jetë përgjegjësi e kompanisë , por edhe mund të mos jetë ndaj duhet hetuar. Ka një hetim për këtë”,- tha Rama.
