Të hapet një pakt i ri ku të merren në konsideratë partitë e vogla. Sistemi zgjedhor në Shqipëri e ndau Shqipërinë në 12 qarqe. Kush e ka menduar këtë ka qenë një qen bir qeni që ka menduar vetëm për një grusht votash
Kreu i LZHK-së, Dashamir Shehi u shpreh se duhet të rishikohet Kodi Zgjedhor ku të merren në konsideratë partitë e vogla.
I ftuar në emisionin “Arena” nga Dritan Hila në Ora Neës, Shehi tha se sistemi zgjedhor në Shqipëri nuk e mban qeverinë shqiptare të qëndrueshme.
Ai u shpreh se kush e ndau Shqipërinë në 12 kolegje ka qenë një qen bir qeni që ka menduar vetëm për një grusht votash.
“Për sa i përket partive, që nga shtatori e mbrapa të fillojë rishikimi i Kodit Zgjedhor. Aty duhen marrë në konsideratë partitë e vogla. Të hapet një pakt i ri. Unë kam vite që e kam kundërshtuar këtë ligj. Ka qenë ligji më reaksionar. Në Shqipëri ky ligj nuk ka funksionuar për të pasur një qeverisje të qëndrueshme. Ky sistem e ka copëzuar Shqipërinë në 12 kolegje. Kush e ka menduar këtë ka qenë një qen bir qeni. Gjë më të poshtër në kurriz të këtij shteti nuk mund të bësh. Vetëm për një grusht votash dhe për të kontrolluar pushteti. Nëse nuk ndërhyhet, do të jetë i rrezikshëm.”- tha Shehi.
