Të tjera detaje dalin nga megaoperacioni i SPAK për të goditur kokat e krimit në vend. Në mesin e 18 të arrestuarve ishte dhe emri i Leonard Palushit, funksionar i lartë i Policisë së Shtetit i cili shërben në Drejtorinë e Policisë Lezhë me detyrë Shef i Krimeve.
Palushi mësohet se akuzohet për shpërdorim detyre. Ai është transferuar në shtator 2020 në Lezhë, ndërsa më parë ka shërbyer në sektorin e hetimit të vrasjeve në Elbasan. Ka dyshime se ajo që Kraja e quan “shpërdorim detyre” të ketë ndodhur gjatë shërbimit të Palushit në një qytet me ngjarje të forta kriminale si Elbasani nisur edhe nga fakti se ai u hoq nga qyteti menjëherë pas disa vrasjeve të bujshme që ndodhën atje gjatë verës së vitit 2020.
Emrat, për të cilat është ekzekutuar vendimi i gjykatës janë:
Nuredin Dumani
Ardian Uzuni
Alton Ndoci
Skerdi Tasi
Erion Alibej
Iliarjan Peci
Petrit Qoli
Agron Qoli
Agron Qafa
Asllan Plaku
Enver Diva
Besian Xhixha
Leonard Palushi
Operacioni i SPAK dhe RENEA u drejtua nga Drejtoria e Përgjithshme e Policisë së Shtetit. Deri tani janë ekzekutuar gjithsej 18 masa sigurie, nga këto 9 persona u kapën gjatë operacionit.
