Një histori e re dashurie është zbuluar në showbizin shqiptar. Ish-konkurrenti i “Big Brother Vip” Kledi Hysa pas historisë së shumëpërfolur me Sheila Haxhiraj ka gjetur ngushëllim tek një tjetër këngëtare dhe moderatore.
Bëhet fjalë për Evi Reçin, e cila ka hedhur disa postime identike me modelin Hysa. Në fotot e publikuara vihet re se ata qenë në disa vende të përbashkëta.
Të dy ata kanë udhëtuar drejt Vlorës ku dhe më pas kanë drekuar. Ndërsa sot, Kledi është shfaqur në makinë me një mik dhe ky i fundit ka publikuar një Instastory me një intervistë të Evit.
Modeli më herët ka qenë i lidhur me modelen austriake Khaoula Selmi, ku mësohet se gjërat u ftohën nga ana e tij dhe më pas vendosi të ndahej me partneren.
