SHBA-Në lagjen Chelsea në New York City kanë mbetur të plagosur të paktën 29 persona si pasojë e një shpërthimi që ka ndodhur në orët e vona të mbrëmjes së djeshme. Fatmirësisht asnjë prej të plagosurve nuk është në rrezik për jetën.
Sipas zyrtarëve një pako e dyshimtë është gjetur pak metra larg vendit ku ndodhi shpërthimi ndërsa shkaqet e ngjarjes ende janë të paqarta. Ata sqaruan për Associated Press se pakoja që u gjet në Chelsea ishte në një tenxhere me presion e cila kishte të pajisuara instalime elektrike dhe një telefon celular.
Chelsea është ndër lagjet më në modë në Manhattan dhe zakonisht fundjavave është e mbushur mbushur plot me njerëz.
Shkaku i shpërthimit në rajonin Chelsea të Nju Jorkut është ende i paqartë, por sipas kryebashkiakut Bill de Blasio bëhet fjalë për një akt me dashje, megjithëse nuk ka ende lidhje të vërtetuara me terrorizmin.
