SHBA-ja e ka nisur në mënyrën më të mirë Kupën e Botës 2026, duke mposhtur Paraguain me rezultatin bindës 4-1 në ndeshjen e parë të Grupit D, të zhvilluar në SoFi Stadium.
Amerikanët morën avantazhin që në minutën e 7-të falë një autogoli të mbrojtësit paraguajan David Bobadilla. SHBA vazhdoi të ushtrojë presion dhe në minutën e 31-të Folarin Balogun dyfishoi shifrat pas asistit të Christian Pulisic.
Sulmuesi amerikan realizoi sërish në minutën e pestë shtesë të pjesës së parë, duke shënuar golin e tretë dhe duke e dërguar ekipin e tij në pushim me avantazhin e sigurt 3-0.
Në pjesën e dytë, Paraguai reagoi dhe ngushtoi diferencën në minutën e 73-të me golin e Mauricio, por shpresat për rikthim u shuan në fundin e takimit. Në minutën e 90+8, Giovanni Reyna vulosi fitoren 4-1 për SHBA-në pas asistit të Aidan Freeman.
Me këtë sukses, SHBA merr tre pikët e para në Grupin D dhe jep një sinjal të fortë për ambiciet e saj në këtë Botëror, ndërsa Paraguai do të kërkojë reagimin në ndeshjet e ardhshme.
Rezultati final:
SHBA 4-1 Paraguai
Bobadilla (A.G) 7′, Balogun 31′, 45+5′. Reyna 90+8′ / Mauricio 73′
Autogoli i Bobadillas (Video)
Goli i parë i Balogun (Video)
Goli i dytë i Balogun (Video)
Goli i Mauricios (Video)
Goli i Reynas (Video)
