Djali i legjendës së boksit, Muhammad Ali, është arrestuar nga zyrtarët e imigracionit në aeroportin e Floridës, ndërsa ishte kthyer nga një udhëtim në Xhamajkë.
Avokati dhe miku i familjes Aliu, tha se incidenti ka ndodhur në aeroportin e Flodirës më 7 shkurt por pohimi për këtë është bërë vetëm orët e fundit duke dalë në media.
Mancini tha se Muhammad Ali i Riu, 44-vjeçar, dhe nëna e tij, Khalilah Camacho Ali, ishin ndarë nga njëri-tjetri në pikën e kontrollit nga ana e imigracionit.
Nëna e tij, u tregoi oficerëve të imigracionit fotografinë e saj së bashku me atë të burrit të saj të ndjerë, Muhammad Ali, ish-kampion i njohur botëror në boks, dhe ishte lejuar të largohej.
Megjithëqë Muhammad Ali i Riu është i lindur në Filadelfia dhe është shtetas amerikan, ai nuk kishte fotografi të tij bashkë me babain e tij dhe ishte arrestuar nga oficerët e imigracionit, ka thënë Mancini.
