Diplomati i njohur flet për familjen Fuga e ndarë në dy anët e politikës; një vëlla me PS e tjetri me PD-në e që sipas Muratit, qarkullojnë tenderat e dy palëve në bllok
Diplomati i njohur Shaban Murati ka lëshuar një akuzë shumë të fortë sot ndaj profesor Artan Fugës, i cili është pozicionuar qartazi me PD-në, si dhe ndaj nipit të tij Endri Fuga, i cili është njeriu më i afërt i kryeministrit Rama.
Sipas Shaban Muratit, mënyra se si funksionon kjo familje është shembulli më i mirë për të kuptuar se si ka funksionuar e po funksionon Katovica në Shqipëri. Përmes një mesazhi në fb, Murati shkruan: “Këshilla për miqtë: Ata, që nuk e kanë kuptuar ende si funksionon Katovica në Shqipëri, mjafton të shohin sot në skenën politike të Tiranës një familje të njohur të ish-Bllokut, ku njëri vëlla i bën projekte kryeministrit të opozitës, kurse vëllai tjetër i bën projekte kryeministrit të pozitës, xhaxhai i ulet në prehër kryeministrit të opozitës, kurse nipi i ulet në prehër kryeministrit të pozitës. Paratë dhe tenderat qarkullojnë në rrugën dykalimshe pozitë-opozitë dhe përfundojnë në Bllok. Edhe Katovicën Shqipëria e ka karikaturë.
Katovica është një vend në Poloni, në të cilin thuhet se u mblodhën liderët e vendeve të BRSS-së për të ndarë pushtetin pas rrëzimit rtë komunizmit në këto vende. Mendohet se edhe udhëheqësi komunist Ramiz Alia të ketë marrë udhëzimet për ta zbatuar Katovicën. Deri tani nuk ka prova se kjo ka ndodhur dhe ndaj Katovica ka mbetur më shumë një legjendë urbane porn ë se sheh se si ka funsksionuar politika këto 26 vjet, në të vërtetë filozifia e ndarjes së pushtetit mes komunistësh ka funksionuar më shumë se gjithçka tjetër.”
