Sezoni turistik ka nisur zyrtarisht në Shkodër, por me problematikat që e shoqërojnë çdo vit. Prefektja e Qarkut Shkodër, Majlinda Angoni ka zhvilluar një takim me drejtues të institucione të ndryshme për marëvajtjen e sezonit turistik. Mësohet se në çdo pikë kyçe ku krijohet trafik si shkak i fluksit të madh të makinave do të ketë patrullë policie duke nisur nga data 1 korrik. Lajmi u dha nga drejtori i policisë Shkodër, Hamdi Fjora, i cili shtoi se ka nisur ndarja e punës me orare 12 orë në turn në mënyrë që të ketë staf të mjaftueshëm.
Ndërkohë, kufiri këtë vit ka një bashkëpunim më të mirë me palen malazeze dhe synon që kalimet të bëhen të përshpejtuara në mënyrë që të evitohen radhët në kufi, por problem në plazh mbetet vendosja e bovave dhe lëvizja e motorrëve afër ujit.
Nisur nga problemet e theksuara, prefektja Angoni kërkoi që të marrin zgjidhje në mënyrë që të ketë një sezon turistik të sigurtë.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
