Futbolli italian vazhdon të jetë në kaos, ndërsa megjithë përplasjet e forta mes Ligës dhe klubeve, situata duket se po merr zgjidhje. Kjo vetëm për momentin, pasi ngjeshja e kalendarit do të jetë një problem i madh për të gjitha skuadrat, sidomos për ato që përveç Seria A, janë të impenjuara në Kupë dhe Europë.
Kështu, pas Juventus-Milan është anuluar dhe gjysmëfinalja tjetër e kthimit për Kupën e Italisë mes Napolit dhe Interit, në program të enjten në mbrëmje. Ndërkohë, pritet të vendoset përfundimisht eedhe për javët e ardhshme të kampionatit. Liga në bashkëpunim me klubet pritet të vendosë që të gjitha ndeshjet të luhen me dyer të mbyllura.
Ky vendim shoqërohet me kosto financiare, pasi klubet nuk do të arkëtojnë nga shitja e biletave, por gjithsesi duket zgjidhja më e mirë duke parë se shtyrja e kampionatit mund të vinte në rrezik mbylljen e tij brenda afateve të përaktuara nga UEFA për shkak të Kampionatit Europian që do të luhet këtë verë.
