Serena Williams është bërë nënë për herë të parë. Tenistja ka sjellë në jetë një vajzë, që peshon 3kg e 900 grame në St Mary’s Medical Center të Miami.
Nëna e re dhe babai Alexis Ohanian, bashkë themelues i Reddit, nuk kanë dashur të tregojnë më parë për seksin e bebit. Fituesja e 23 turneve të Grand Slam, që në 26 shtator do festojë 36 vjetorin, njoftoi shtatzëninë në prill.
E para që i ka bërë urime kampiones ka qenë Beyonce, që ka publikuar në Instagram këtë foto të Vogue Usa. «Congratulations Serena!» shkruan Beyonce.
