Deputeti gjerman, Reinhard Butikofer, ka komentuar vizitën e presidentit të Serbisë, Aleksandar Vuçiç, në Kinë, në kohën kur në Tiranë u mbajt Samiti i Procesit të Berlinit.
Përmes një postimi në platformën X, Butikofer ka thënë se me veprime të tilla, Serbia po ia tregon gishtin e mesit Bashkimit Evropian.
“Serbia po i tregon BE-së gishtin e mesit: Vuçiç preferon të shkojë në Pekin; kryeministrja serbe refuzon t’i bashkohet fotos familjare, sepse refuzon të respektojë flamurin e Kosovës; dhe natyrisht, ata nuk duan të nënshkruajnë një marrëveshje, të cilës nuk kanë ndërmend t’i përmbahen. Gjeni gabimin”, shkroi Butikofer.
#Serbia is showing the EU the middle finger: Vučić prefers to go to Beijing; the Serbian PM refuses to join the family photo, because she refuses to respect the Kosovo flag; and, of course, they don’t want to sign a deal, which they have no intent of sticking to. #FindTheMistake https://t.co/UIUkmHHQUp
— Reinhard Bütikofer (@bueti) October 17, 2023
