Ish-presidenti i Serbisë dhe kryetari i Partisë Socialdemokrate, Boris Tadiç, deklaroi se shkrimtari dhe një nga autorët e podkastit “E keqja e mirë e keqe” Marko Vidojkoviç është dashur të zhvendoset për shkak të kërcënimeve ndaj jetës së tij.
Marko Vidojkoviç, është një ndër kritikuesit më në zë të pushtetit aktual në Serbi. Ai disa herë në podkast, ka kritikuar presidentin aktual të Serbisë Alexander Vuçiç, për qasjen diktatoriale.
“Shfrytëzoj rastin të them se besoj se nuk ka asnjë reagim real të publikut tonë demokratik ndaj këtij fakti.
Kjo rrethanë kërkon reagimin e të gjithë njerëzve të lirë, sepse ajo që po ndodh në regjimin e Aleksandër Vuçiçit nuk po i ndodh vetëm Marko Vidojkoviçit, i cili ka qenë kritik i atij regjimi që nga dita e parë.
Po ndodh në fshatra dhe qytete të vogla dhe atje njerëzit janë të rrezikuar, siç është Marko Vidojkoviç, të cilin e vlerësoj shumë si shkrimtar dhe njeri me mendim të lirë, por edhe si njeri që më kritikoi.
Ai e kishte këtë të drejtë dhe jetoi për të më kritikuar mua, në vendin ku e bëri. Sot kemi një situatë ku shkrimtarët duhet të largohen nga vendi i tyre, të zhvendosen me ndihmën e PEN-it botëror.
Është turp për Serbinë dhe prandaj ne nuk kemi as politikë në Kosovë, prandaj mburremi se jemi në epokën e artë të Serbisë, se kemi rezultate të pabesueshme, por po jetojmë në një gënjeshtër të përgjithshme. “, deklaroi Boris Tadiç.
