Dy shqiptarë të moshës 26 dhe 27 vjeç janë arrestuar nga Karabinierët e stacionit Casalincontrada për posedim dhe kultivim droge si dhe për vjedhje të energjisë elektrike.
Sipas mediave vendase, të dy u gjetën në një zonë në kufirin midis territoreve të Bucchianico-s dhe Casalincontrada-s, ku brenda një kasolle në dukje të braktisur, u ndërtuan dy sera për kultivimin e bimëve të marijuanës, ndërsa një serë tjetër po ngrihej.
Janë gjetur gjithsej 91 bimë me lartësi nga 50 deri në 60 centimetra, si dhe janë sekuestruar qindra bimë të tjera më të vogla së bashku me materialin që përdoret për kultivim, llamba, ventilatorë dhe transformatorë.
Karabinierët gjetën edhe 120 gramë marijuanë të gatshme. Të dy u mbyllën në burgun Lanciano në pritje të marrjes në pyetje të vërtetimit. Ndërsa për akuzën e vjedhjes së rëndë të energjisë elektrike, ishte krijuar një lidhje abuzive me rrjetin elektrik për të vënë në lëvizje mjetet e përdorura në serë. Hetimi koordinohet nga zëvendësprokurorja e Republikës së Çietit, Marika Ponziani. Dy shqiptarët kanë qenë së fundmi në Itali dhe dyshohet se kanë qenë “kujdestarët” e bimës kultivuese, vijojnë hetimet për të konstatuar përfshirje të mundshme të personave të tjerë.
