Senatori Italian Mario Mauro ka kritikuar qëndrimin e përfaqësueses së lartë të politikës së jashtme në Bashkimin Evropian, Federica Mogeherini në lidhje me deklaratën e saj që Partia Demokratike po pengon reformën në drejtësi dhe integrimin.
Ish-zv/president i Parlamentit Evropian tha se përfaqësuesit e institucioneve evropiane duhet të jenë të vëmendshëm ndaj problemeve të vendeve aspirante në BE, dhe të paanshëm në qëndrimet e tyre.
Ish-ministër i Mbrojtjes së Italisë, Mauro, i cili të martën e ishte në çadrën e protestës së partisë demokratike e sheh legjitime kërkesën e opozitës, ndërsa thotë se kjo nuk krijon precedent për të ardhmen që çdo opozitë para çdo palë zgjedhje të kërkoi qeveri teknike.
“Dua të kujtoj se ato që përfaqësojnë institucionet evropiane, e kane për detyre te jene te paanshëm dhe për detyre qe te shohin me vëmendjen e duhur problemet e brendshme te një vendi, qe populli te ndihet i respektuar. Pikërisht për këtë mendoj qe nuk është opozita qe po bllokon institucionet, parlamentit dhe procesin e integrimit, por është qeveria po rrezikon te bojkotoje demokracinë.”-shprehet Mauro.
Senatori italian sqaron më tej që “…nuk është precedent i rrezikshëm ne rastin kur vendi është dukshëm ne gjendje të jashtëzakonshme. Fakti qe kemi te bëjmë me një situate te tille, e konfirmon qëndrimi në pushtet i atyre personave qe janë te lidhur me krimin. Është detyre e shoqërisë qe te zgjidhe këtë situate dhe detyre e institucioneve qe te mos lejojnë qe ne zgjedhje e te futen financime te dyshimta qe mund te ndihmojnë njërën apo tjetrën palë.”
