Astrologjia nuk është një shkencë e besueshme, por sipas një studimi të publikuar në revistën Jama, botimi më serioz i shkencëtarëve të ShBA-së, mund të ketë arsye të të vlefshme dhe baza shkencore për t’i kushtuar më shumë vëmendje muajit në të cilin keni lindur nëse doni të njihni rrezikun ndaj dhjetëra shqetësimeve. “Sa herë që prezantoj punën tonë, duhet të kem parasysh kohën që publiku im kalon duke qeshur”, thotë Nicholas Tatonetti, një nga shkencëtarët e skuadrës së Columbia University Medical Center.
Sigurisht një praktikë jo e zakonshme për një studiues universitar, por Tatonetti studion diçka të panjohur për njerëzit që janë mësuar me kompleksitetin e shpjegimeve biologjike dhe molekulare. “Unë studioj njerëzit në bazë të muajit të lindjes për të parë nëse ndryshon rreziku për të zhvilluar sëmundjen gjatë jetës”, thotë ai. Dhe në raportin e tij të fundit, të publikuar në Journal of American Medical Informatics Association, këto rezultate bëjnë që të hapen sytë.
Shkencëtarët kanë krahasuar 1.688 sëmundje, datat e lindjes dhe anamnezat e 1,7 milionë pacientëve të kuruar në Presbyterian Hospital të New York-ut, ndërmjet viteve 1985 dhe 2013. Sipas rezultateve të kërkimit, 55 sëmundje kanë të bëjnë drejtpërdrejtë me muajin e lindjes. Kërkimi ka konfirmuar edhe 39 koincidenca të raportuara më parë në librat e mjekësisë dhe ka zbuluar 16 relata të reja, ndër të cilat, nëntë lloje problemesh kardiake, rreziku kryesor për jetën në Shtetet e Bashkuara të Amerikës.
Një përmbledhje e përfundimeve më të rëndësishme:
Në përgjithësi, personat më të shëndetshëm lindin në maj, njerëzit më të rrezikuar në tetor.
Rreziku I astmës është më I lartë për të lindurit në korrik dhe tetor.
Fëmijët e lindur në nëntor, janë më të rrezikuar për të zhvilluar ADHD, shqetësimin e Deficitit të Vëmendjes dhe Hiperaktivitetit.
Fëmijët e lindur në mars kanë rrezik më të lartë për probleme kardiake, ndër to aritmi, insuficencë dhe shqetësime valvolash.
Fëmijët e lindur në dimër kanë më shumë probleme neurologjike./revistaclass
