Sëmundja e rrallë i merr jetën vogëlushes 9-vjeçare Kejsi Prizrendi. Vajza ishte diagnostikuar me Stevens-Jonson, një sëmundje e rrallë që prek 1 në 1 milionë persona.
Zemra e vogëlushes pushoi së rrahuri rreth orës 04:00 të mëngjesit të sotëm, në spitalin e Padovas, aty ku kurohej prej datës 10 shtator…
E vogla num mundi të jetojë ëndrrën e saj për t’u bërë balerinë, një talent të cilin e ushtronte dhe ushqente ccdo ditë.
Eva Qorri Çela, e cila e ndoqi nga afër gjendjen e saj shëndetësore dhe fushatën humanitare për ndihmë financiare, shkruan ka shkruar sot në Facebook: “Nuk kam fjalë. Ju luta Zotit çdo sekondë për ty, ëngjelli im, por Zoti zgjodhi të të merrte pranë tij! Shpirti po më dridhet nga dhimbja dhe duart po më dridhen. Isha e bindur që do të shihja në skenat më të mira në botë, zemra ime, sepse ishe shumë e talentuar. Por jo, u desh kjo sëmundje e ndyrë që ti të fikeshe si flaka e qiriut.
Keisi im, Rrufeja ime, të kam zemër! Zoti vendosi të ketë pranë vetes. Rrugë të mbarë në parajsë, ëngjëll!”
