Një fjali e thënë me sfond seksual i ka kushtuar karrigen një ministri serb. Parlamenti serb ka shkarkuar mbrëmjen e së premtes nga detyra e ministrin e Mbrojtjes, Bratislav Gasiç, i cili së fundmi shkaktoi jo pak trazira, pasi i drejtoi një propozim seksist një gazetareje. Nga 250 deputetë që ka Asambleja Serbe, 195 prej tyre kanë votuar në favor të shkarkimit të ministrit dy muaj pas incidentit. Asajkohe, kryeministri Alaksandër Vuçiç kishte deklaruar se do të shkarkonte nga të gjitha funksionet antarin e partisë së tij. “Më pëlqejnë shumë këto gazetaret që përkulen kaq lehtë”, kishte thënë Bratislav Gasiç në dhjetor, ndërsa fliste për një gazerare që ishte ulur në gjunjë përballë tij për të mos penguar kolegët kameraman, ndërsa ai kishte dalë për të dhënë një deklaratë për shtyp. Pas kësaj ngjarje pasuan protesta të shumta të gazetarëve në të gjithë vendin kundër kësaj deklarate. Bratislav Gasiç, 48 vjeç, është një ndër bashkëpunëtorët më të afërt të Vuçic dhe ka qenë kryebashkiak i Krusavaçit para se të emërohej si ministër në prill të 2014.
Thaçi s’u lejua të marrë pjesë në varrimin e babait, Salianji: Injorim i ligjit ndërkombëtar dhe shkelje e kodit zakonor
Ervin Salianji ka reaguar ndaj vendimit të Gjykatës Speciale që refuzoi lejen për ish-presidentin e Kosovës, Hashim Thaçi, për të...
