Me statutin e ri Sekretarin e Përgjithshëm e zgjedh Asambleja
Në PS rikthehet posti i sekretarit të përgjithshëm, ashtu siç ishte para vitit 2011. Ndryshimi është se atij i janë lënë më pak kompetenca. Gjithçka është përcaktuar në statutin e ri të ndryshuar nga Kongresi i PS. Përcaktimi në statut është bërë pas propozimit të Kryetarit, Edi Rama. Drafti i parë i statudit që ju paraqit Asamblesë Kombëtare përcaktonte se Sekretari i Pergjithshëm zgjidhej nga Kongresi i Partisë, ndërsa më parë duhet të kishte marë mbështetjen e 5 për qind të delegatëve të Kongresit dhe se duhet të kishte jo më pak se 10 vjet si anëtat partie.
Por drafti i ri bën më të lehta kriteret për përzgjedhjen. “Kandidati për Sekretar i Përgjitshëm i Partisë, propozohet nga Kryetari i PS, ndërsa kandidatët alternativë duhet të sigurojnë mbështetjen e 10 për qind të anëtarëve të Asamblesë”. I mbetet mbledhjes së parë të Asamblesë Kombëtare, për të parë se cfarë konkretisht do të ndodhë me këtë post, për të cilin u ndryshuan kriteret e zgjedhjes.
