“Të gjitha palët e përfshira duhet të presin për vendimin e Gjykatës Kushtetuese përpara se të ndërmarrin hapa të mëtejshëm”, ky ishte qëndrimi i Sekretarit të Përgjithshëm të OSBE-së, Thomas Greminger në lidhje me çështjen e ndërtimit të një ndërtese të re të Teatrit Kombëtar.
Greminger i është përgjigjur letrës së Aleancës për Mbrojtjen e Teatrit, pasi përfaqësues të kësaj të fundit i kërkuan një takim për ta njohur zyrtarin e lartë të OSBE-së me shqetësimet e tyre lidhur me çështjen e prishjes së Teatrit Kombëtar.
Letra e Greminger
Të nderuar Aleanca për Mbrojtjen e Teatrit,
Kam marrë me kënaqësi ftesën tuaj, pasi ajo tregon konsideratë për Organizatën që unë përfaqësoj. Megjithatë, për fat të keq, për shkak të një vizite të shkurtër dhe një axhende të ngushtë, nuk isha në gjendje t’i përgjigjesha pozitivisht.
Duke pasur parasysh zhvillimin e djeshëm, përkatësisht Presidentin e Republikës, duke paraqitur kërkesë në Gjykatën Kushtetuese në lidhje me ligjin e posaçëm për ndërtimin e ndërtesës së re të Teatrit Kombëtar, të gjitha palët duhet të presin vendimin e Gjykatës së Lartë para se të vazhdojnë më tutje kjo çështje.
Përshëndetje më të përzemërta,
Thomas Greminger
