Parlamenti i Shqipërisë, i mbledhur pasditen e kësaj të hëne në kuadër të marrëveshjes Rama-Basha, ka votuar ndryshimet në kabinetin qeveritar.
Zv/kryeministrja dhe 6 ministrat teknikë të propozuar nga Partia Demokratike kanë marrë shumicën e votave në Parlament (mbi 100 vota pro).
Emërimet e ministrave të rinj:
Zv/kryeministre, Ledina Mandia votohet me 119 vota pro.
Dritan Demiraj, ministër i Punëve të Brendshme, me 107 vota pro.
Arben Beqiri ministër i Shëndetësisë, votohet me 118 vota pro.
Xhulieta Kërtusha si Ministre e Mirëqenies Sociale votohet me 118 vota.
Helga Vukaj ministre e Financave miratohet me 116 vota pro.
Mirela Karabina ministre e Arsimit, 111 vota pro.
Gazment Bardhi ministër i Drejtësisë, 106 vota pro.
Shkarkimet:
Kuvendi ka miratuar me 106 vota pro shkarkimit të Niko Peleshit.
Petrit Vasili shkarkohet me 102 vota pro.
Lindita Nikolla shkarkohet me 107 vota pro.
Arben Ahmetaj shkarkohet me 107 vota pro.
Olta Xhaçka shkarkohet me 113 vota pro.
Emërimet vijnë rreth një muaj nga zhvillimi i zgjedhjeve të përgjithshme Parlamentare.
Pas emërimit të ministrave të rinj, kryeparlamentari Meta lajmëroi 30 minuta pushim.
