Rikonstruksioni i plotë i rrugës së Dibrës do të nisë së shpejti, dhe lajmi është bërë i ditur nga vetë kreu i Bashkisë së Tiranës, Erion Veliaj.
“Fillimisht, në Rrugën e Dibrës kemi nisur me fasadat, për t’u rritur vlerën dyqaneve dhe pallateve, duke zgjidhur përfundimisht degradimin që po iu ndodh ndërtesave. Tani do të vijojmë me rrjetin rrugor dhe nënshtresat, për t’u siguruar që deri në fund të verës, edhe Rruga e Dibrës, por edhe rruga e Oxhakut, të përfundojnë për t’i rritur vlerën pronës, të rregullojmë trafikun dhe t’i japim më shumë estetikë e gjelbërim qytetit”, u shpreh Veliaj.
Nisur nga situata e furnizimit me ujë të pijshëm në disa zona të kryeqytetit, Veliaj u kërkoi qytetarëve që të tregohen bashkëpunues në këtë periudhë, ku e gjithë Europa përballet me thatësirë të zgjatur.
