Ish-kandidati për president të Serbisë, kryetar i Partisë Republikane, Nikolla Sanduloviç, ka përgëzuar kryeministrin e Kosovës, Albin Kurti, i cili ka thënë se nuk do ta lejojë presidentin serb Aleksandar Vuçiç ta vizitojë Kosovën.
Sanduloviç e duke e quajtur Vuçiçin kriminel lufte dhe e ka porositur që para se të shkojë në Kosovë, duhet të kërkojë falje dhe ta pranojë krimin e kryer në Reçak.
“Si mund të jetë Kosova zemra e Serbisë kur ti president i Republikës së Serbisë nuk mund të hysh në Kosovë derisa Albin Kurti mos të lejojë!
Së pari ti president i Serbisë, kriminel lufte të kërkosh falje dhe ta pranosh krimin që ka ndodhur në Reçak, pastaj të hysh [në Kosovë]! Bravo Albin Kurti”, ka shkruar Sanduloviç.
Kako je to Kosovo srce Srbije kada ti @predsednikrs ne možeš da udješ na Kosovo dok ti @albinkurti ne dozvoli?
Prvo da se @predsednikrs ratni zločincu izviniš i priznaš zločin koji se desio u Račku pa onda možeš da udješ!
Bravo @albinkurti!@CIA @FBI @SenatorMenendez@StateDept— Nikola Sandulovic (@Sandulovic_N) March 31, 2023
Presidenti i Serbisë, Aleksandar Vuçiç ka paralajmëruar së në muajin qershor do të vizitojë Kosovën, e kryeministri vendit, Albin Kurti, tha se nuk ka pranuar kërkesën nga Vuçiç për një vizitë të tillë
Ai u shpreh se nuk do t’i jepte leje njeriut që deklaroi se masakra e Reçakut është fabrikim.
“Unë nuk kam marrë asnjë kërkesë për një vizitë të tillë dhe duke pasur gjendjen rrethanat në të cilat ndodhemi ai nuk do të ishte person i dëshiruar në Kosovë dhe mbase kjo është arsyeja se ai që më shumë se dy vjet nuk e bën këtë kërkesë”.
“Nëse keni parasysh që personi thotë që masakra e Reçakut është fabrikim dhe asnjëherë nuk e ndryshoi këtë gjë, unë nuk mendoj që do të duhej të vinte në Republikën e Kosovës”
“Natyrisht që nuk do t’i japë leje”, deklaroi Kurti në Klan Kosova.
Duke ironizuar tha se “mbase më mirë të bëjë kërkesën, por pasi që e thashë këtë ai nuk do ta bëjë fare kërkesën”.
Ndërsa, ish kandidati për president të Serbisë, Sanduloviç, më 17 shkurt ka vizituar Kosovën dhe ka bërë homazhe në varrezat e Memorialit në Prekaz, në 15 vjetorin e pavarësisë.
I shoqëruar nga krerët e shtetit të Kosovës, Sanduloviç pas homazheve ka thënë se do të bëj gjithçka që kriminelët që kryen një krim kaq të tmerrshëm të përgjigjen.
“Është ditë e vështirë dhe nder i madh që më është mundësuar nga kjo qeveri, me presidenten tuaj të nderuar dhe kryeministrin tuaj të nderuar, të më bëjnë të mundur që në emër të Serbisë së ndershme, të kërkoj një ndjesë të madhe dhe të kërkoj falje për të gjitha krimet e kryera nga Millosheviçi dhe kjo qeveri aktuale në Serbi, që kanë bërë ndaj jush.
Do të bëj gjithçka që kriminelët që kryen një krim kaq të tmerrshëm ndaj jush të përgjigjen… Zoti ju bekoftë me shëndet dhe Zoti na dhëntë një paqe të merituar për të gjithë, faleminderit”, ka thënë Sanduloviç.
Ai gjatë vizitës në Kosovë ka zhvilluar takime me presidenten Osmani dhe kryeministrin Kurti. /Telegrafi/
