Kryeministri Edi Rama ka replikuar me ndjekësit në rrjetin e tij social, ku edhe u është përgjigjur akuzave që bëhen ndaj qeverisë në lidhje me rritjen e çmimeve.
Rama thotë se çmimet nuk kanë asnjë lidhje me qeverinë. Në postimin për taksën zero për pagat deri në 40 mijë lekë të reja, një komentuesi i thotë kreut të qeverisë se i bie të mos marrë taksë nga më shumë se gjysma e shqiptarëve që kanë këtë rrogë. ndërsa Rama thotë se ky është një zotim i marrë publikisht dhe do të mbahet në vitin 2022 pasi të miratohet në parlament.
Komentuesi: I bie të mos marrësh taksë nga gjysma më e madhe e shqiptarëve dhe s’besoj të jesh aq sa të pranosh. Diku do i fusesh ato taksa ti, në ndonje faturë apo rritjë cmimi.
Edi Rama: E para cmimet nuk kanë asnjë lidhje me qeverinë, qe as nuk ngre as nuk ul çmime ne sistemin e ekonomisë së tregut dhe e dyta, mos u cudit fare sepse ky është një zotim i marrë publikisht që do të mbahet në vitin 2022 dhe do të mbahet ne vitin 2022, pasi të miratohet në parlament këtë vit.
