Trajneri i Napolit, Mauricio Sari, thotë se ekipi i tij nuk shkon për t’u mbrojtur në Torino, ku do të përballet me Juventusin.
Ai ka thënë në konferencën për shtyp, se nesër do të shihet një Napoli i çmendur.
“Duhet të tregohemi të çmendur dhe të shkojmë në Torino për të imponuar lojën tonë.
E vetmja mundësi për të dalë me një rezultat pozitiv është kjo dhe ne do të tentojmë të bëjmë pikërisht këtë gjë.
Duhet të jemi të bindur se nëpërmjet lojës së mirë vjen edhe rezultati.
Do të japim maksimumin për të kënaqur tifozët tanë. Do të kemi një stadium kundër por një qytet që do të na mbështesë”, tha ai.
Megjithatë, Sari më pas është përpjekur të ulë presionin tek lojtarët, duke thënë se kjo nuk është ndeshja më e rëndësishme, pasi pas saj janë edhe 13 ndeshje të tjera.
“Po përgatitemi normalisht sepse pas kësaj ndeshjeje do të jenë edhe tre muaj me 13 ndeshje për t’u luajtur.
Skuadra po stërvitet me entuziazëm dhe duhet të jemi shumë të kthjellët.
Nëse fitojmë do të jetë një dhuratë për tifozët tanë që nuk mundet të jenë të pranishëm në stadium dhe kjo është një padrejtësi që po na bëhet.
Mendova të njëjtën gjë edhe kur tifozët e Juventusit munduan në stadiumin tonë”, tha ai.
