Nga politika në futboll, ish presidenti i Francës Nicolas Sarkozy, po mendon të ndërmarrë një detyrë të re, atë të presidentit të Paris Saint Germain. Sipas mediave Sarkozy kryeson listën e kandidatëve për të marrë drejtimin e kampionëve të Francës.
Mësohet se javën e kaluar në Katar u zhvilluan bisedimet e para në lidhje me këtë çështje që përkuan edhe me disfatën e Paris Saint Germain ndaj Montpellier. Vendimi përfundimtar pritet të merret gjatë pushimeve dimërore, ndërkohë që zëvendësimi i Al Khelaifit me Sarkozy pritet të zyrtarizohet vetëm në fillim të sezonit 2017-2018.
