Viktima është Pajtim Shehu i cili ishte klient në një kafene ku autori i krimit kishte hyrë të grabiste
Një ngjarje e rëndë ka ndodhur mesnatën e mbrëmshme në Sarandë, ku nje grabitës ka vrarë me armë zjarri një klient, në një kafene në fshatin Shkallë të bashkisë Konispol.
Viktima është Pajtim Shehu, i vrarë me plumb në kokë pas përleshjes me një person i cili dyshohet se ka pasur qëllim grabitjen e lokalit buzë rrugës që të çon në Konispol.
Nga hetimet e para Arqile Poçi, pronari i lokalit kur ka parë autorin ka kërkuar ndihmë tek viktima Pajtim Shehu 43 vjeç po nga Konispoli. Policia është vënë në ndjekje të autorit të krimit dhe ka dyshime se mund të ketë qënë i shoqëruar nga persona të tjerë.
