Kryetari i Bashkisë së Delvinës, Rigels Balili si dhe nipi i trafikantit të drogës, Kelmend Balilit tha se nuk kam parë asnjë ministër apo deputet në kompleks “Santua Quaranta”.
Në një prononcim për mediat ai ka folur në lidhje me pretendimet e ish-ministrit të Drejtësisë, Ylli Manjani se ka parë filmime të ministrave që flinin me dashnoret në hotelit ‘Santa Quranta’.
“Nuk kanë ardhur ministra te Santa Quaranta. Ministri Arben Ahmetaj ka ardhur vetëm kur u inagurua kompleksi. Kushdo mund të verifikojë kamerat e kompleksit. I kemi të gjitha filmimet e para dy muajve. Prej 2 muajsh serveri është me defekt, nuk punon. Mund t’ju them se Manjani ka qenë i vetmi ministër që frekuentonte kompleksin. Manjani gjithë verën pushonte në kompleksin tonë me familjen e tij”, tha nipi i Balilit.
Dje edhe ish-kryeministri, Sali Berisha pretendoi se në hotelin e Klement Balilit kanë fjetur me dashnoret tre ministra, që sipas tij janë Saimir Tahiri, Damian Gjiknuri dhe Ilir Beqja.
