Samiti i kryeministrave të Ballkanit ka mbledhur krerët e qeverive të rajonit. Ata kanë darkuar mbrëmjen e sotme në një nga restorantet e Sarajevës.
Kryeministrat e Serbisë, Shqipërisë, Kosovës, Malit të Zi dhe Maqedonisë kanë mbërritur në Sarajevë dhe kanë darkuar sëbashku. Kjo është një fotografi nga darka e tyre jozyrtare të mërkurën ku kryeministri Rama është ulur përkrah homologut serb Vuçiç, ndërsa kanë përballë kryeministrin e Kosovës Mustafa dhe homologë të tjerë.
Vuçiç tha se do ti thotë kryeministrit Mustafa se ajo çfarë po bën me çështjen e pronësisë së Jugosllavisë dhe Serbisë është e “pakuptimtë”. Sipas tij, Prishtina “gjithmonë u ka ikur bisedimeve lidhur me çështjen e pronësisë”.
Qeveria e Kosovës ka marrë vendim që të gjitha pasuritë paluajtshme në Kosovë të regjistruara në emër të RSFJ-së dhe Serbisë të regjistrohen në emër të Republikës së Kosovës si pronare e kësaj prone.
