Nga Samiti i “Open Balkan” , kryeministri Edi Rama ka ndarë fotot krah liderëve të Ballkanit Perëndimor.
Në foto Rama shfaqet në krah të presidentit serb Aleksandër Vuçiç dhe kryeministrit boshnjak Zoran Tegeltija. Ky i fundit bashkë me kryeministrin e Malit të Zi Dritan Abazoviç marrin pjesë për herë të parë në këtë samit.
“Ohër, Samiti i Ballkanit të Hapur”, ka shkruar Rama.
Kryeministria ka ndarë edhe pamjet e mbërritjes së liderëve të shteteve pjesëmarrëse në Samit, në Ohër, teksa priten nga kryeministri i Maqedonisë së Veriut Dimitar Kovaçevski. Të parët që shihet të arrijnë në destinacion janë presidenti serb Vuçiç i ndjekur nga kryeministri i vendit tonë Edi Rama.
Ndërkohë që i vetmi shtet nga Ballkani Perëndimor që nuk i është bashkuar samitit është Kosova e cila e refuzon pjesëmarrjen në këtë nismë, për shkak të qëndrimit të Serbisë.
