Deputeti demokrat, Ervin Salianji, ka reaguar nga brenda selisë së PD. Salianji bëri me dije se ata ishin në zyrat e PD në një ditë normale pune.
Salianji shprehet se është një situatë e paimagjinueshme e bërë për interesat personale të një njeriu.
“Ka njerëz që janë të plagosur. Ka njerëz të sëmurë. Është një situatë e paimagjinueshme e bërë për interesat personale të një njeriu. Ne po qëndrojmë në zyra të ndryshme. Nuk ka hapësira për të qëndruar të gjithë në një vend. Jemi në zyrat e PD, ishim në një ditë pune. Kjo nxitje dhune, ky qëndrim aty si gjeneral i një ushtrie të vdekur, për të marrë përpara përfaqësuesit më të lartë të PD, deputetët e zgjedhur, është e papranueshme dhe duhet të marrin përgjigjen e merituar dhe të plotë për cdo cenim që është bërë”, tha Salianji.
