Deputeti i Partisë Demokratike, Sajmir Korreshi teksa fliste nga foltorja e Kuvendit të Shqipërisë, komentoi situatën në Lushnje ku tha se për të bërë një vaksinë Pfizer në qytetin e tij duhet të kishte mik të fortë e të kishte lidhje me politikanë.
Korreshi shtoi se rritja e çmimeve për të është absurde, ndërsa sfidoi deputetët që ta provonin vetëm një muaj nëse ia dilnin dot me rrogën e tyre.
Fjala e Sajmir Korreshit:
Nga ajo që dëgjova nga qeveria u mallëngjeva. U mallëngjeva por më pas ktheva kokën mbrapsht se më dërguan mesazh nga Lushnja. ‘Mos harro se ti flen në Lushnje’, ‘po’, i thashë. Mu duk kjo historia e këtyre arritjeve globale si fotografia që gjyshi i kërkoi nippit që e bëri dhe e ndau në gjysëm kur ia tregoi. Se ishte veshur bukur me xhaketë, këmishë dhe kollare, ndërsa nga mesi e poshtë ishte lakuriq. Kështu është situata e mjekësisë shqiptare. E fillova me situatën e mjekësisë shqiptare sepse nuk e kemi vetëm tek vaksina, grupi parlamentar i PD-së është pro vaksinës. Por deri dje thonim çfarë vaksine të bëjmë, kinezen? Apo atë që nuk i dinim prejardhjen se ashtu ishte një muhabet?. Në Lushnje, për të bërë Pfizer duhet të kishe mik të fortë, duhet të ndërhyje tek politikanët për të bërë Pfizer. Për të bërë një skaner, të thonë po nuk pate mik, do 4 javë, po për 4 javë virusi ka hyrë e ka dalë nga trupi.
S’punon priza, nga më absurdet, nuk ka lëndë për të bërë skanerin. Pse more sa do presin këta njerëz për tu diagnostikuar? Ta kalojmë në privat. Sistemi tregoi që spitali privat i Lushnjes hodhi poshtë gjithë mjekësinë tuaj pasi përballonte gjithë qytetin. Ju s’e kishit kohën. Dua të falenderoj mjekët e Lushnjes, kanë bërë një punë të paparë, por jo drejtuesit që kishin në mendje të shihnin tenderin e urgjencës. Ju ftoj të vini ta shikoni,akoma më duke se nuk e merr njeri në dorë. thonë, thonë fjalët se ka vajtuar 250 milion. Nuk ju kërkoj shumë kohë të vini në Lushnje, veç kohën që harxhoni në parukeri. Mjafton që të shohësh spitalin pasi është beterr-mandat. U habitët nga deklaratat e mia se ka minj në spitalet. Sot në Lushnje nuk po gjen macet, i kanë çuar tek spitalet që të hanë minjtë. Kjo është situata e pandemisë.
Pse duhet të gënjejmë ne shqiptarët? Pyetini njëherë a ju është rimbursuar ndonjë gjë tyre që kanë kaluar Covid-19? A e dini që infermierët po gëzojnë që jemi në kushte pandemie. Pasi bëjnë shërbime në shtëpi dhe kërkojnë 50 mijë lekë (të vjetra). Kosto ku shkon? Ka bërë ndonjë kosto qeveria për këto. Mendoj se jo, bëjeni për të kuptuar si është e vërteta. Spitali i Lushnjes është kthyer në një spital që bën vetëm synetllëqe dhe nga dy herë apandesitin. Shkoni pyesni se ka edhe të majtë kirurgë, ka pasur raste kur djersa iu ka rënë mbi plagë e të sëmurit. Ne kemi të gjithë pleq në shtëpi, kemi mamatë, falenderojmë Zotin që kemi shëndet se do një orë e gjysëm të vijmë deri në Tiranë. Nuk ka asnjë ndihmë të parë në Spitalin e Lushnjes. Asnjë masë nuk keni marrë për shkolla, nuk as nevojat më minimale. Një shkollë elitë, gjendja është katastrofë. Kur flasim për tualetet, ne kemi disa kategori të thënit në Lushnje, ndryshe i themi hale, qenef, nevojtore dhe tualet. Ne jemi në kufijtë e qenefit dhe hales në Lushnjes. Po kërkojmë banjo. E kuptoni ku është kjo propaganda juaj? Çfarë ju gjen juve që në vend që t’i bëni presion mësuesve? Për ta mbyllur do të thosha vetëm një gjë për këto rritjet e çmimeve…me këto hipjet e zbritjet nuk jam mirë, por do t’ju lutesha të gjithëve që ta provoni njëherë nesër a ia dilni dot me rrogë vetëm një muaj? Dhe jo me rrogë qytetari, por me rrogën tuaj të Parlamentit.
