Ish-ministri Brendshëm Saimir Tahiri ka mbërritur ditën e sotme në Gjykatën e Krimeve të Rënda, pasi Prokuroria pritet të lexoje pretencën dhe të kërkojë masën e dënimit për te dhe ish drejtorin e Policisë së Vlorës, Jaeld Çela.
Pretenca e Prokurorisë ndaj ish-ministrit Tahiri u shty në muajin korrik, për shkak të nisjes së pushimeve verore.
Tahiri shoqërohej sot nga avokati i tij, Maks Haxhia, ndërsa në seancën e fundit para pushimeve, Gjykata e Krimeve të Rënda pranoi kërkesën e ish-ministrit për gjykim të shkurtuar.
Ish- ministri akuzohet për “korrupsion të zyrtarëve të lartë”, “trafik të lëndëve narkotike kryer në bashkëpunim” dhe “grup të strukturuar kriminal” në kuadër të dosjes ‘Habilaj’.
