Pas shtyrjes së seancës së Këshillit të Mandatit për nesër në orën 10:00, ish-ministri i Brendshëm Saimir Tahiri ka njoftuar se është i gatshëm të pres deri në momentin e fundit, pa lënë asnjë hallkë dhe asnjë shteg.
Tahiri e përsërit sërish shprehjen “S’keni parë gjë akoma” teksa del nga mbledhja e këshillit të Mandateve dhe Rregulloreve.
“Besoj se jeni të qartë, e dëgjuat edhe vetë këtë estradë. Gjithsesi le të presim. Jam shumë i gatshëm të pres deri në momentin e fundit, pa lënë asnjë hallkë dhe asnjë shteg. Nuk keni parë gjë akoma, dhe ua them prapë këtë. Bëni durim, siç po bëj unë durim. Barrën e kam shumë më të madhe se ju, por bëni durim. E vërteta do dalë në dritë dhe nuk do vonojë shumë. Nuk do lë rast pa i shkuar deri në fund të vërtetës”, tha Tahiri.
