Partizani është ndëshkuar nga Saburtalo në “Air Albania” me ekipin mik që ka arritur të kalojë në avantazh vetëm pas 7 minuta nga fillimi I pjesës së dytë. Tabatapsen shënon për 1-0.
Kujtojmë se Partizani luan sot në “Air Albania” ndeshjen e kthimit të turit të parë të Ligës së Konferencës ndaj Saburtalo të Gjeorgjisë. Të kuqtë kanë bërë një hap të mirë drejt kualifikimit falë fitores 1-0 në ndeshjen e parë në transfertë.
Megjithatë, trajneri Dritan Mehmeti nuk ka ndryshuar plan, duke mos menduar për mbrojtjen e këtij rezultati, pasi ka hedhur në fushë të njëjtin rreshtim si në sfidën e parë. Kështu, dyshja e sulmit do të jetë Skuka-Cara, me Hotin, Muratajn e Rrapajn që do t’i ndihmojnë pas krahëve me depërtimet e tyre.
