Një ngjarje e rëndë ka ndodhur në Rusi ku një tren është përplasur me një autobus në një linjë hekurudhore dhe për pasojë kanë humbur jetën 17 persona.
Aksidenti tragjik ka ndodhur 100 kilometra larg nga kryeqyteti rus, në stacionin e trenit në qytetin Vladimir.
Agjencia e lajmeve shtetërore RIA Novosti, raporton se në autobus ishin pasagjerë të Uzbekistanit të cilët po udhëtonin me destinacion Kazakistanin.
Autobuzi tentoi të kalonte hekurudhën me ngjyrë të kuqe, transmeton agjencia e lajmeve ruse.
