Ka filluar protesta e banorëve të Rinasit për ditën e sotme, pasi rruga te rrethotullimi i aeroportit vazhdon të jetë e kalueshme vetëm me një sens. Sot zhvillohet dita e katër e protestës dhe ARRSH nuk iu ka dhënë asnjë përgjigje. Banorët kanë paralajmëruar se protesta do përshkallëzohet, ndërsa nxënësit bojkotojnë shkollën dhe nuk shkojnë në mësim. Ata shprehen se nuk kanë se si të shkojnë ën shkollë, pasi rruga tjetër nuk është funksionale dhe një pjesë është e rrezikshme për kalimtarët.
Sakaq, ARRSH nuk ka dalë më në asnjë reagim tjetër, por që ditën e martë drejtori i këtij institucioni tha se rruga do të vazhdojë të jetë në një sens deri në përfundim të sezonit turistik. Këtë vendim banorët nuk e pranojnë pasi bllokimi i kësaj rruge iu pengon të marrin shërbimet bazë si ambulanca, shkolla dhe marketet.
