Qendra Evropiane për Parandalimin dhe Kontrollin e Sëmundjeve, në të dhënat e fundit të grupuara në lidhje me hepatin akut është shprehur se është vënë re një rritje e numrit të fëmijëve të infektuar.
Sipas ECDC është duke u rritur numri i rasteve me hepatit akut te fëmijët që kanë qenë të shëndetshëm paraprakisht në Zonën Ekonomike Evropiane.
Deri në datën 20 prill janë regjistruar 111 raste në Britani dhe deri më 27 prill, rreth 55 raste tjera janë raportuar në 12 shtetet e Zonës Ekonomike Evropiane.
Nga ana tjetër, për raste të reja është raportuar edhe në Shtetet e Bashkuara të Amerikës, Izrael dhe Japoni. Ndërkohë të dhënat e deritanishme tregojnë se shumica prej pacientëve janë shëruar, mirëpo një numër i konsiderueshëm i tyre është dashur që të bëjnë transplantim të mëlçisë.
Shefja e rregullatorit evropian, Andrea Ammon, ka thënë gjatë javës se shifra e saktë mbrapa rasteve me hepatit nuk dihet ende.
Së fundmi, autoritetet shëndetësore kanë thënë se meqë ende nuk dihet për patogjenin, rreziku për popullsinë e fëmijëve nuk mund të vlerësohet tani për tani.
