Zyra për Azil e Bashkimit Evropian (EASO) thotë se numri i njerëzve që kërkojnë mbrojtje ndërkombëtare në vendet evropiane, u rrit për 26 për qind gjatë muajit korrik.
EASO tha në një deklaratë se rreth 62.900 persona kërkuan azil gjatë muajit korrik.
“Numri është më i lartë se e njëjta periudhë e vitit të kaluar, por ende shumë më e ulët se nivelet e regjistruara më 2015 dhe 2016, kur mbi 1 milion migrantë hynë në Evropë, shumica e tyre të larguar nga konflikti në Siri dhe Irak”, thotë organizata.
Ky fluks i migrantëve pati shkaktuar një nga krizat më të mëdha të BE-së pasi vendet kishin kundërshtime se kush duhet të marrë përgjegjësinë për migrantët.
Sirianët, afganët dhe venezuelasit përbënin rreth një të katërtën e aplikantëve në muajin korrik.
Shumë të tjerë vinin nga Iraku, Pakistani, Turqia, Kolumbia, Irani, Nigeria dhe Shqipëria.
/Rel/
“Do të rrjep si kec”/ Sekretariati i Etikës përjashton me 20 ditë Nokën, ndëshkohet edhe Hoti –
Sekretariati i Etikës së Kuvendit ka marrë vendimin që të përjashtojë me 20 ditë deputetin e Partisë Demokratike, Flamur Noka,...
