Niveli i rrezatimit nga centrali bërthamor i Çernobilit është rritur, sipas Agjencisë bërthamore të Ukrainës, si edhe Ministrisë së brendshme në vend. Por me gjithë këtë, rrezatimi nuk është ende alarmant sipas tyre. Ekspertët nuk raportuan nivelin e saktë të rrezatimit, por thanë se ndryshimi ndodhi për shkak të lëvizjes së pajisjeve të rënda ushtarake në zonë, duke ngritur pluhurin radioaktiv në ajër.
“Rrezatimi po fillon të rritet. Nuk është kritike për Kievin për momentin, por po e monitorojmë në vazhdim”, tha Ministria e Brendshme.
Të premten, Rusia tha se po e mbante nën kontroll centralin bërthamor të Çernobilit për ta “mbrojtur nga terroristët ukrainas”.
