Presidenti Volodymyr Zelensky ka folur për programin australian të lajmeve “60 Minutes” duke shpjeguar se Putin po bllokon anijet që hyjnë e dalin për të futur në recension ekonominë e Ukrainës.
“Rusia nuk i lejon anijet të hyjnë apo të dalin, ajo po kontrollon Detin e Zi. Rusia dëshiron të bllokojë plotësisht ekonominë e vendit tonë”, tha lideri ukrainas.
Ukraina dhe Rusia janë vendet kryesore në prodhimin botëror të ushqimit dhe kanë një rol kyç sepse përfaqësojnë 53% të tregtisë globale në vaj luledielli dhe fara dhe 27% në grurë, sipas Kombeve të Bashkuara. Por shqetësimet po rriten se lufta mund të nisë një krizë ushqimore që do të prekë Europën, Azinë dhe Afrikën.
Javën e kaluar, shefi ekzekutiv i kompanisë norvegjeze Yara, një nga prodhuesit më të mëdhenj të plehrave kimikë në botë, ka deklaruar se pasojat e luftës në Ukrainë në sigurinë globale të ushqimit do të ishin dramatike.
“Megjithëse biznesi i Yara është fleksibël dhe elastik, ndikimi i luftës në sigurinë globale të ushqimit do të jetë dramatik. Ne përsërisim thirrjet tona për veprimin e qeverisë për të forcuar zinxhirët e furnizimit me ushqim dhe për të ulur varësinë nga Rusia”, deklaroi Svein Tore Holsether.
