Rreth 17 persona kanë humbur jetën, dhe dhjetëra janë plagosur për shkak të përmbytjeve dhe rrëshqitjeve të dheut në Kaliforninë e Jugut.
Sipas autoriteteve lokale, më shumë se 100 shtëpi janë shkatëruar, ndërsa rreth 300 të tjera kanë pësuar dëme.
Ekipet e emergjencave kanë kryer me dhjetëra operacione shpëtimi, por ende ka zona të izoluara ku ata nuk kanë mbërritur ende. Disa rrugë dhe autostrada janë mbyllur për shkak të rrëshqitjeve të dheut dhe nuk priten që të hapen deri javën e ardhshme.
Një nga zonat e goditura më rëndë është ajo e Montesitos, ku jetojnë njerëz të famshëm si aktori Rob Lowe, prezantuesja Ellen de Generes apo Oprah.
