Situata e rënduar e motit, me reshje të dendura shiu, erë të fortë dhe shtrëngatë ka krijuar vështirësi për kalimin në disa prej akseve rrugore në vend.
Mësohet se ka pasur probleme të shumta në segmentin rrugor Këlcyrë – Sukë, i cili është bllokuar në vendin e quajtur Ujëvara, për shkak të rrëshqitjes së dheut dhe një masivi shkëmbor.
Firma kontraktore, përgjegjëse për mirëmbajtjen e këtij aksi, është lajmëruar për të pastruar dhe hapur rrugën për qarkullimin e mjeteve. Ndërkohë që Bashkia e Dropullit, Njesia Administrative Pogon ka mbetur pa energji elektrike për shkak të motit të keq.
