Dy vëllezërit Indrit dhe Gentian Beqiraj kanë kërkuar statusin e të penduarit të drejtësisë dhe kanë kërkuar që familja e tyre të merret në mbrojtje. Ata deklaruan se do të bashkëpunojnë me drejtësinë për të zbardhur disa porosi për vrasje me pagesë.
Mësohet se, grupi hetimor ka dyshime të forta se dy vëllezërit kishin marrë urdhra dhe porosi jo vetëm për “Rrumin” (Aleksandër Laho alias Pëllumb Muharremi), por edhe për njerëz të rëndësishëm për eliminim.
Po ashtu mësohet se ata mendohet se do i bënin një favor një grupi tjetër shumë të fuqishëm ekonomikisht si dhe me përgatitje ushtarake të lartë për të kryer krime të rënda.
