Ditën e sotme është bërë arrestimi nga specialistët për Hetimin e Krimeve të Postës së policisë Manzë në flagrancë i individit me inicialet M. F., 22 vjeç, banues në Ishëm, Durrës. Lidhur me ngjarjen e rëndë, bëhet me dije se 22-vjeçari ka ushtruar dhunë fizike ndaj nënës së tij.
“Specialistët për Hetimin e Krimeve të Postës së Policisë Manzë arrestuan në flagrancë, për veprën penale “Dhuna në familje”, shtetasin M. F., 22 vjeç, banues në Ishëm, Durrës, pasi ka ushtruar dhunë fizike ndaj nënës së tij.”
Materialet i kaluan Prokurorisë, për veprime të mëtejshme lidhur me zbardhjen e ngjarjes.
Nga ana tjetër, në policinë e Durrësit është bërë një kallëzim nga qytetarja me inicialet S. Xh., banuese në Gjermani, e cila ka humbur kontaktet me vëllanë e saj, shtetasin I. J., 51 vjeç, banues në lagjen nr. 6, Durrës, të cilin nuk e ka gjetur as në banesën e tij.
“Në Komisariatin e Policisë Durrës kallëzon shtetasja S. Xh., banuese në Gjermani, se ka humbur kontaktet me vëllanë e saj, shtetasin I. J., 51 vjeç, banues në lagjen nr. 6, Durrës, të cilin nuk e ka gjetur as në banesë.”
Deri më tani nuk ka detaje të tjera lidhur me ngjarjen por vijon puna për gjetjen e tij.
