Cristiano Ronaldo zgjohet pikërisht atëherë kur nuk duhet, rikthehet të bëjë Ronaldon në sfidën e fundit përballë Hungarisë duke na larguar zyrtarisht nga Kampionati Evropian. Ylli i Real Madrid përmbysi dy herë avantazhin e Hungarisë duke i dhuruar Portugalisë një barazim 3-3 që i kualifikon ata në fazën e 1/8.
Dzsudzsak na bëri të besojmë se mrekullitë ekzistojnë duke kaluar dy herë hungarezët në avantazh, por nuk ishte e thenë, fati nuk ishte me ne ndërsa për hungarinë ky është një rezultat historik.
Sfida e grupit F të Euro 2016 Hungari-Portugali u luajt në stadiumin “Parc Olympique Lyonnais”.
Minuta 63- Hungarezët nuk kanë ndërmend të dorëzohen, kjo për fatin tonë të mirë, teksa në minutën e 63-të godasin shtyllën pingule.
Minuta 61- Ronaldo është zyrtarisht non grata në shqipëri teksa për herë të dytë barazon rezultatin, ketë herë me një goditje me kokë.
Minuta 55- Një super ndeshje, një super ndjesi teksa ndjek plot ankth hungarinë, aq me tepër teksa sheh Dzsudzsak që shënon një tjetër spektakolarë duke rikthyer avantazhin përballë Portugalisë 3-2.
Minuta 50- Për fatin tonë të keq Ronaldo bën Ronaldon, shënon një gol klasi për të rikthyer sërish barazpeshën.
Minuta 47- Dzsudzsak ngre në peshë të gjithë shqiptarët me golin e shënuar në minutën e 47-të, një devijim me fat, dhe një tjetër shpresë për të qëndruar ende në Francë.
Minuta 42– Fati i shqipërisë nuk zgjat shumë pasi në minutën e 42-të, Nani është i saktë në ekzekutimin e tij duke rikthyer barazpeshën.
Minuta 29- Ronaldo, futbollisti tek i cili kanë varuar shpresat portugezët provon nga një goditje dënimi, gjuan fort por Kirali grushton në këndore.
Minuta 18- Jemi me fat, jemi ende në lojë pasi një goli të mrekullueshëm të shënuar nga Gera në minutën e 18-të. Një goditje fluturimthi, një gol spaktakolarë që mban të gjallë shpresën e shqiptarve për të kaluar në fazën e 1/8, një gol që i jep avantazhin hungarezve.
